Ifor ap Glyn
Bardd
Magwyd Ap Glyn yn y gymuned Gymraeg yn Llundain, man y mae ei deulu wedi ei alw yn gartref am dros gan mlynedd. Mae ef a’i deulu bellach yn byw yng Nghaernarfon lle mae’n gweithio fel cynhyrchydd teledu. Ym 1999, cyfansoddodd y gerdd a enillodd y Goron yn yr Eisteddfod Genedlaethol, ac yn 2008-2009 cafodd yr anrhydedd o wasanaethu fel Bardd Plant Cymru.
www.academi.org/list-of-writers/i/129525/

Gwyneth Glyn
Ysgrifennwr a cherddor
Mae Gwyneth Glyn yn gantores a chyfansoddwraig Gymraeg frodorol, yn fardd ac yn ysgrifennwr. Ar ôl graddio mewn Athroniaeth a Diwinyddiaeth o Brifysgol Rhydychen, dychwelodd adref i Gymru. Caiff ei hysbrydoli gan y tirlun y mae mor hoff ohono, y dreftadaeth werin Gymraeg a’i heiconau gwledig Americanaidd, Gillian Welch a Gram Parsons. Gyda’i gitâr, mae’n dathlu priodas unigryw rhwng y ddau draddodiad mawr hyn.
www.myspace.com/gwynethglyn  http://www.myspace.com/gwynethglyn  

Gillian Clarke
Bardd
Clarke ar hyn o bryd yw Bardd Cenedlaethol Cymru. Mae’n fardd, ysgrifennwr, dramodydd, cyfieithydd a thiwtor mewn Ysgrifennu Creadigol. Mae ei barddoniaeth o ran arddull a deunydd yn adlewyrchu’r diwylliant a’r traddodiadau Cymreig yn ogystal â’r byd ehangach. Mae ei gwaith diweddar a gyhoeddwyd gan Carcanet Press, yn cynnwys At the Source, casgliad o ysgrifau a dyddlyfr a A Recipe for Water, ei nawfed casgliad o gerddi.
www.academi.org/list-of-writers/i/129555/

Aneirin Karadog
Bardd / Rapiwr
Ganwyd Aneirin Karadog yng Ngogledd Cymru ac fe’i magwyd yng nghymoedd De Cymru. Mae’n ysgrifennu barddoniaeth mewn Cynghanedd ac yn rapio gyda nifer o grwpiau hip-hop. Mae Aneirin yn gyflwynydd ar y rhaglen deledu Gymraeg ddyddiol Wedi 7 a sefydlodd y rhaglen Gymraeg gyntaf ar y rhyngrwyd o’r enw Siaradog.
www.academi.org/list-of-writers/i/131877/

Daniel Morden
Storïwr
Mae Morden wedi adrodd storïau traddodiadol i ennill ei fywoliaeth er 1989. Mae ei waith wedi mynd ag ef dros y byd i gyd, o’r Arctig i’r Môr Tawel ac mae’n perfformio’n rheolaidd yn y Theatr Genedlaethol, Canolfan Barbican a gwyliau llenyddiaeth mawr ym Mhrydain. Yn 2007, enillodd ei lyfr Dark Tales from the Woods Wobr Tir Na Nog.
www.academi.org/list-of-writers/i/129751/

Esyllt Harker
Storïwraig
Mae Harker yn gantores ac yn storïwraig amrywiol. Mae’n tynnu’n bennaf ar ei gwreiddiau Cymreig cryf ac mae’n enwog am y ffordd mae’n plethu’r Gymraeg a’r Saesneg a deunydd llafar a deunydd sy’n cael ei ganu yn rhwydd i’w gilydd. Mae hi wedi perfformio yn aml yng Ngŵyl Dweud Storïau Rhyngwladol Beyond the Border ac mewn nifer o ganolfannau gan gynnwys theatrau, ysgolion, cestyll ac ar ben clogwyni.
www.academi.org/list-of-writers/i/129677/

Mab Jones
Bardd perfformio
Enillydd Gwobr Cynulleidfa John Tripp am Farddoniaeth Lafar, mae Jones yn fardd perfformio sy’n meddu ar ffraethineb dychanol. Cyrhaeddodd y rownd gynderfynol yng nghystadlaethau Cenedlaethol ‘Slam and Funny Women’ Radio 4 ac mae wedi perfformio gyda beirdd a chomedïwyr enwog. Gweithiodd am gyfnod mewn gwyliau comedi yng Nghaeredin a Chaerlŷr a gweithiodd fel ysgrifennwr gydag Opera Cenedlaethol Cymru.

Jon Gower
Awdur / darlledwr
Mae Gower wedi gweithio fel newyddiadurwr a lluniwr rhaglenni dogfen am chwarter canrif ac ef oedd gohebydd celfyddydau a’r cyfryngau cyntaf BBC Wales. Mae wedi ysgrifennu neu olygu deg o lyfrau, gan gynnwys disgrifiad o ynys oedd yn diflannu ym Mae Chesapeake. Mae newydd gyhoeddi ei nofel Gymraeg gyntaf sy’n cysylltu Buenos Aires, Oakland a Chaerdydd.
www.academi.org/list-of-writers/i/133914/

Ceri Wyn Jones
Bardd
Enillodd Jones wobr barddoniaeth bwysicaf Cymru, y Gadair yn Eisteddfod Genedlaethol 1997. Cafodd ei gasgliad cyntaf, Dauwynebog, ei roi ar y rhestr fer ar gyfer Gwobr Llyfr y Flwyddyn Cymru 2008 ac astudir ei farddoniaeth trwy Gymru. O 2003-04 cafodd Ceri yr anrhydedd o wasanaethu fel Bardd Plant Cymru ac mae’n parhau i gynnal gweithdai barddoniaeth ym mhob rhan o’r wlad.

Clare Potter
Bardd perfformio/ysgrifennwr
Mae Clare Potter yn fardd perfformio / ysgrifennwr a fagwyd yn y Coed Duon, De Cymru. Graddiodd o Brifysgol De Mississippi gydag MA mewn llenyddiaeth Affro-Caribïaidd. Yna symudodd i New Orleans, lle roedd yn ymgynghorydd ar gyfer Prosiect Ysgrifennu New Orleans. Ar ôl dychwelyd i Gymru ar ôl deng mlynedd, enillodd Clare Wobr John Tripp 2004 am Farddoniaeth Lafar a chyhoeddwyd ei chasgliad spilling histories (Cinnamon, 2006). Yn ystod yr ychydig flynyddoedd diwethaf, mae Clare wedi bod yn ymwneud â phrosiectau cydweithredol gydag ysgrifenwyr, cerddorion ac artistiaid eraill.

Gerald Conn
Animeiddiwr
Arbenigwr mewn animeiddio sain. Mae Conn yn enwog yn ei faes. Mae wedi cynhyrchu ffilmiau sydd wedi ennill gwobrau, gyda llawer ohonynt yn ymchwilio i ryng-gysylltiadau diwylliannol. Mae’n dysgu animeiddio i fyfyrwyr ar bob lefel ac mae wedi cyflwyno ei waith yn Ffrainc, India a Japan. Roedd Conn yn allweddol wrth sefydlu Cinetig, cwmni cynhyrchu sy’n rhoi cyfle i ieuenctid gymryd rhan yn y broses o gynhyrchu ffilmiau.

Sean Harris
Animeiddiwr
Ganwyd Harris yn Lloegr a symudodd i Gymru ym 1995. Gweithiai fel gwneuthurwr printiau ond newidiodd ei gyfeiriad yn 2005 pan ddechreuodd dorri ac animeiddio ei brintiadau wedi eu gwneud â llaw, ac ers hynny mae wedi gwneud cyfres o ffilmiau yn ymchwilio i fytholeg ac archaeoleg, gan roi sylw i arteffactau cyn-hanesyddol o gasgliadau Amgueddfeydd Cenedlaethol Iwerddon, yr Alban a Chymru.

David Vickers
Prif Argraffydd
Mae Vickers yn Rheolwr Gwasg Gregynog, sefydliad elusennol sy’n ceisio gwarchod traddodiadau cyfoethog Cymru yn y Celfyddydau Llyfrau a chynnal Gwasg Gregynog, a sefydlwyd ym 1922. Mae’n grefftwr profiadol ac yn siarad Cymraeg yn rhugl. Ymunodd â’r Wasg pan gafodd ei hailsefydlu ym 1978, ac mae wedi bod yn ymwneud â phob agwedd o gynhyrchu ei llyfrau ers hynny.
http://www.gregynogpress.co.uk/

Julian Thomas
Rhwymwr Llyfrau
Er 1980, mae Thomas wedi gweithio fel Pennaeth yr Adran Cadwraeth yn Llyfrgell Genedlaethol Cymru. Fe’i comisiynir hefyd i weithio ar rwymiadau cain a phrosiectau sy’n ymwneud â chadwraeth llyfrau yn ei weithdy yn ei gartref. Ym 1996, fe’i hetholwyd yn Gymrawd y Rhwymwyr Llyfrau Artistig. Mae Thomas yn aelod o Gymdeithas y Rhwymwyr Llyfrau a’r Sefydliad Cadwraeth Papur.

Sharon Morgan
Actores / Storïwraig
Mae Morgan wedi bod yn bresenoldeb cyfarwydd ar y llwyfan, y sgrin a’r radio am bron i ddeugain mlynedd, gan berfformio yn y Gymraeg a’r Saesneg. Ym 1998, enillodd Wobr Actores Orau BAFTA. Mae’n awdur trioleg ar hunaniaeth merched ac enillodd ei chyfieithiad o The Vagina Monologues wobr y Cynhyrchiad Gorau gan Theatr Wales yn 2004.

Iona Hughes
Tiwtor Cymraeg
Treuliodd Hughes 10 mlynedd yn addysgu mewn ysgolion cynradd cyfrwng Cymraeg lle bu hefyd yn ymchwilio i Sikhiaeth a Bwdhaeth. Mae ei phrofiadau yn Laos yn teithio ac yn cymryd rhan mewn cymrodoriaeth wedi ei helpu i ddod â chrefydd yn fyw yn yr ystafell ddosbarth. Mae bellach yn gweithio ym Mhrifysgolion Morgannwg a Chaerdydd fel Tiwtor Cymraeg i oedolion.